Birt 29.10.2026

Þingið styður aukið miðlalæsi meðal ungs fólks

Tillagan sem Norræna þekkingar- og menningarnefndin studdi í sumar, um að efla miðlalæsi meðal ungs fólks, hefur nú verið samþykkt á þinginu í Helsinki. Catarina Deremar úr Flokkahóp miðjumanna fagnar ákvörðuninni.

Í umræðum þingsins í dag var tekin fyrir tillaga um að auka miðlalæsi ungs fólks, einnig hefur áður verið fjallað um það á heimasíðu okkar. Norðurlandaráð studdi tillögu Flokkahóps miðjumanna og nefndarinnar.

Flokkahópur miðjumanna leggur áherslu á að miðlalæsi sé grundvallarforsenda lýðræðis, þátttöku og öruggrar opinberrar umræðu á Norðurlöndum. Aukið upplýsingaflæði, vaxandi pólun og útbreiðsla rangra upplýsinga grafa undan samfélagslegu trausti sem lengi hefur verið eitt sterkasta einkenni Norðurlanda. Börn og ungt fólk þurfa að fá verkfæri til að meta gagnrýnið ólíkar upplýsingaveitur, skilja mikilvægi blaðamennsku og ábyrgrar fjölmiðlastarfsemi og taka uppbyggilegan þátt í stafrænum samfélögum.

Fyrir hönd Flokkahóps miðjumanna tók sænska þingkonan Catarina Deremar þátt í umræðunni:

– Fræðsla um hlutverk fjölmiðla þarf að fá meiri sess í námskrám skólanna. Í ljósi mikilla áhrifa gervigreindar er nú enn mikilvægara að geta sjálfur túlkað upplýsingar og nýtt réttindi sín í samfélaginu. Fólk þarf að gera sér grein fyrir því að ekki eru allar fréttir endilega skrifaðar eða lesnar af manneskju. Kannski er jafnvel ekki um raunverulegan atburð að ræða. Miðlalæsi er of lítið á tímum þegar það þyrfti að vera mjög mikið.

Tillagan sem þingið samþykkti hlaut stuðning nefndarinnar á sumarfundi hennar í Danmörku.

Á myndinni: Catarina Deremar. Ljósmynd: Magnus Fröderberg/Norden.org.